請問點樣幫隻固執貓轉BARF？
hello 板主及板友,
我家有隻家貓 (叫BB)，男仔，5歲，由3個月大開始就以乾糧(長糧)為主食，罐頭作「大餐」(次數唔多，約1個月2-4次)。
細個時食嘅罐頭口味都可以闊啲，但而家已經好固執，只鍾意食魚及蝦味，就算係濕糧咁好味，見味道唔啱，都寧願唔食。
BB由4歲左右，就開始有皮膚問題，睇極醫生都唔好，無辜辜食咗好多抗生素同類固醇。直至到上月睇咗一個醫生，confirm BB 唔係生癬，好可能係食物敏感或自體免疫力有問題，就介紹食防敏感糧或dr. B。同BB試咗兩個牌子嘅防敏感乾糧，都有肚痾嘅情況，跟住就停餵啦~ 食番一般乾糧就無事，但皮膚繼續唔好。所以好想幫BB轉dr. B，加上我聽過BARF嘅講座，我都好信BARF對動物嘅身體係好好多嘅。
琴日終於買咗雞味嘅dr. B。餓咗BB一個下晝，到夜晚俾咗少少dr. B佢試，嗅完就掉頭走，跟住頂熱啲肉少少，都係完全唔試，但就好肚餓係咁問人攞嘢食。一直餓到今朝，再俾，依然一啲都唔食。又試過將啲乾糧/hi/少少dr. B嘅味，就連啲乾糧都唔食…最後我驚佢餓親，俾咗少少乾淨嘅乾糧佢，點知食兩啖就嘔兩次…攪到佢連乾糧都唔敢食....(可能嬲 or 驚自己再嘔)。唯有今晚再試。
我係仍然想佢食轉食barf，但佢咁固執，可以點做呢？但我又好驚餓親佢會整病佢呀…
希望大家俾啲意見我，感謝各位！
