SharonLam

版主及各用戶, 你好!

我所養嘅狗狗為"史納莎" - 男仔, 約12歲(2012年11月), 已絕育差不多4年...食咗Dr. Barf 3年有多, 初期九個月食"四寶蔬菜", "羊肉蔬菜" 及 "兔肉蔬菜", 後期轉食"袋鼠肉蔬菜"直至今年七月頭. 轉食"袋鼠肉蔬菜", 因為醫生話佢偏肥, 及袋鼠肉嘅熱量較其他肉類低.

一直以來, 狗狗嘅健康狀況尚算良好, 只係皮膚比較敏感. 但轉食Dr. Barf 後, 敏感情況已經明顯好轉


直至最近, 情況持續轉壞, 無食慾(食乜嘔乜, 連黃膽水), 飲水量較之前為多, 小便偏黃(像黃藥水), 漏尿......


尋日, 醫生建議:- 1) 清除膀胱石, 因Hill's s/d 幫助不大 / 2) 切除膽囊, 因膽管阻塞, 令膽汁唔可以正常流動, 加重肝嘅負擔, 引致肝臟壞死...所以唔切唔得... ... ...醫生亦講咗兩次, 匿個手術有風險, 所以令我非常擔心, 好驚會失去佢


所以, 想請問大家你哋嘅寶貝有類似嘅經驗嗎? 可分享嗎? 大家知道這種手術成功率高嗎?


謝謝!

BARFHK

狗仔年紀慢慢大，開始有病痛，作為主人一定很心痛。

我沒有甚麼關於這個病的資訊，反而我覺得，在這種情況下，看多一個醫生，拿多一個意見才是最穩妥。如果第二個醫生診斷後，結論都是一樣要開刀才有救，咁你無選擇了，唯一可能是選那個醫生做。

如果第二意見是不同的，咁你又有多咗資料和醫生討論，找出最好的診治方案。

希望其他網友有多些這方面的經驗可以分享下。

SharonLam

謝謝你！做手術這個建議，係第二個醫生提出嘅。所以，只好聽從佢嘅意見。

希望明天手術順順利利，平平安安！盡早康復，接佢返屋企再一齊生活。

BARFHK

引用:

原帖由 SharonLam 於 2012-8-2 21:38 發表
謝謝你！做手術這個建議，係第二個醫生提出嘅。所以，只好聽從佢嘅意見。 ...

咁第一個醫生話咩？

SharonLam

有膀胱石，腎石，肝大咗，膽汁分佈異常。

raehk

Sharon,

等我插口一句先。

咁係咪第一個醫生冇提過要做手術？如果冇，即使狗狗睇既第二個醫生話要做手術，就「要做手術」依個方案嚟講，第二個醫生都仍然係首個提出做手術既醫生喎，咁樣唔算係第二醫療意見。你應該要搵返第一個醫生，或者搵個新醫生再問手術既需要性。

BARFHK

引用:

原帖由 raehk 於 2012-8-3 19:42 發表
Sharon,

等我插口一句先。

咁係咪第一個醫生冇提過要做手術？如果冇，即使狗狗睇既第二個醫生話要做手術，就「要做手術」依個方案嚟講，第二個醫生都仍然係首個提出做手術既醫生喎，咁樣唔算係第二醫療意見。你應該要搵返第 ...

贊成。

SharonLam

raehk & BARFHK,

多謝你哋嘅建議。

第一個醫生有提過要觀察住狗狗嘅情況，萬一轉差就要做手術及生命會有危險。第一次嘅驗血報告已經顯示ALT 382 U/L, ALKP 449 U/L, TBIL 2umol/L --- dated on 05 July, 2012

第二次嘅驗血報告指數為ALT > 1000 U/L, ALKP no record, TBIL 192 umol/L --- dated on 01 August, 2012

raehk

單睇個ALT又真係肝既問題唔細喎，不過我唔係獸醫，
亦冇養過狗，俾唔到咩意見。
其實星期五的手術順利嗎？