BARFHK

引用:

原帖由 BBmama 於 2009-6-10 16:24 發表
多謝你嘅鼓勵！你真係好有恒心同毅力呀.....
我同啲屋企人好肉赤佢唔食嘢....真係驚餓病or對食物失去興趣呀!
btw, 你隻貓最初係咪一啲啲dr.b都唔食？我嗰隻見到就已經走開啦.....sigh.....連有少少dr.b味嘅乾糧都唔食! ...

初開始，有兩個問題要先解决:-

1. 要由長糧變一日兩餐，定時餵，定時15分鐘後收，養成一個好的開餐習慣。這可能要一兩個星期。

2. 搞好以上的開餐習慣，第二個問題是要貓貓知道生肉是食物。牠兩餐中，其中一餐分量不變，另一餐減1/4份量及加少少Dr.B。如叻叻以上講，用刀刮一粒花生咁多的Dr.B，搽在其中幾粒乾糧上。

起碼有一餐是我們無搞過，牠會吃的，咁就唔怕餓壞，但牠又只有半飽。開初牠會拒吃，或會吃剩沾有Dr.B的乾糧。幾天後便會連沾有Dr.B的乾糧都試，那時牠才會明白有生肉味的東西是食物。

比啲耐性，這裏很多貓友支持你。

BBmama

引用:

原帖由 BARFHK 於 2009-6-10 17:07 發表

初開始，有兩個問題要先解决:-

1. 要由長糧變一日兩餐，定時餵，定時15分鐘後收，養成一個好的開餐習慣。這可能要一兩個星期。

2. 搞好以上的開餐習慣，第二個問題是要貓貓知道生肉是食物。牠兩餐中，其中一餐分量不變，另一餐 ...

好多謝板主嘅建議! 我想問吓，你係咪講講座嗰位先生呢？係嘅話，其實BB嘅情況我都已經請教過你 ga la! THX!
BB由琴日12:00PM到今日7:00PM無無咩點食過嘢，個樣無晒心機，又嬲爆爆，又唔睬人，俾番乾糧佢食都唔願食，真係無佢乎.....
頭先我只係將手指尾甲咁多嘅dr.B遠距離咁擺喺個食物兜度 (兜裡面有乾糧)，佢都唔肯食啲乾糧呀.....我只好洗乾淨個兜再倒番乾糧先肯食少少.....
而家唯有等佢正正經經食番多啲嘢先，再聽你意見，幫佢由長糧轉一日兩餐啦~

CurlDingNut

引用:

原帖由 BBmama 於 2009-6-10 20:17 發表



好多謝板主嘅建議! 我想問吓，你係咪講講座嗰位先生呢？係嘅話，其實BB嘅情況我都已經請教過你 ga la! THX!
BB由琴日12:00PM到今日7:00PM無無咩點食過嘢，個樣無晒心機，又嬲爆爆，又唔睬人，俾番乾糧佢食都唔願食，真係無佢乎... ...

我隻大貓同你隻貓差不多年紀
我果隻一樣係好硬頸
以前細個時比乜都食
依家佢唔岩口味就唔食
我日日都同佢抗戰緊

不過版主真係講得好岩
首先要做既係將放長糧轉為一日兩餐
初初頭幾日佢可能唔岩時候搵野食
但我照返我自己定既時間去餵
過時就收兜
兩次餵食時間之間完全唔比任何小食
過多幾日佢就會明白餵食時間係幾時的了

呢個時候去教佢食新食物係最佳時機
因為佢應該都餓左幾日 (應該話佢呢幾日都唔夠飽)
咁只要佢知道你比佢既野係食物
咁佢應該唔多唔少都會食 d
日日如是咁做
佢就會開始屈服及嚐試新食物架啦

祝早日轉糧成功 ^^

Scythia

引用:

原帖由 BBmama 於 10-6-2009 16:24 發表


多謝你嘅鼓勵！你真係好有恒心同毅力呀.....
我同啲屋企人好肉赤佢唔食嘢....真係驚餓病or對食物失去興趣呀!
btw, 你隻貓最初係咪一啲啲dr.b都唔食？我嗰隻見到就已經走開啦.....sigh.....連有少少dr.b味嘅乾糧都唔食! ...

無錯 ! 係一 d 都唔食, 所以要溝少少佢肯食嘅嘢 (我係加少少落蒸雞度), 但唔代表佢會食.... 我隻衰仔就係死都唔食, 但佢餓多幾餐就會死死氣食少少, 之後就可以慢慢將 dr. b 份量加多.
如果由乾糧轉 barf... 要問問 becky 妹, 等佢答你啦, 佢最近先轉, 應該仲晌努力中

KATHYWONG

引用:

原帖由 Mint_Tea 於 2009-6-15 13:09 發表


無錯 ! 係一 d 都唔食, 所以要溝少少佢肯食嘅嘢 (我係加少少落蒸雞度), 但唔代表佢會食.... 我隻衰仔就係死都唔食, 但佢餓多幾餐就會死死氣食少少, 之後就可以慢慢將 dr. b 份量加多.
如果由乾糧轉 barf... 要問問 ...

Becky 妹都成功左嘞 ! 不過呢排忙 , 好少吹水 .

火車頭

你隻係家貓既話
成功機會唔高 lor  !!
但我都希望你成功可轉 barf。

我都有3隻 貓
成貓 2 餐 一日
小貓 around 4~5 餐 一日(每次只進食少量)
- 4 歲 domestic cat ( have heart disease )
但直到 e+ 都唔食 barf。
其如 2 隻 外國種係食 !
- 2.5 歲大既就會揀食d lor 。
- 15 個月大 係 唔擇食,
基本上冇問題。

BBmama

hihi, update 吓大家先~

因為BB真係一隻超級固執嘅老貓，而家我哋只好take it slowly, 淨係希望將BB嘅長糧改為一日兩餐，所以到時到候屋企人就收起佢個糧兜。
而BB就表現到好似被人虐待咁，好委屈，好淒涼，我真係無晒佢乎…

但係唔知點解，就算好耐無食嘢，跟住俾番個兜佢，佢都係是但食幾啖就行開，唔會食足夠嘅分量。我哋驚佢唔夠飽，所以都會俾佢食得長啲時間 (2-3 hrs) 先會收番個兜。啱住慢慢先縮短個進食時間。但係會唔會因為咁而令佢學唔識定時進食？

真係好希望可以同BB轉到Dr.b~! 多謝各位~

叻叻

引用:

原帖由 BBmama 於 2009-6-19 15:54 發表
hihi, update 吓大家先~

因為BB真係一隻超級固執嘅老貓，而家我哋只好take it slowly, 淨係希望將BB嘅長糧改為一日兩餐，所以到時到候屋企人就收起佢個糧兜。
而BB就表現到好似被人虐待咁，好委屈，好淒涼，我真係無晒佢乎…
...

可能要再縮短d時間，等佢清楚知道邊個時間係食野ge，同埋等佢有餓ge感覺，自然慢慢會轉架啦，老貓係難搞d，加油！

CurlDingNut

引用:

原帖由 BBmama 於 2009-6-19 15:54 發表
hihi, update 吓大家先~

因為BB真係一隻超級固執嘅老貓，而家我哋只好take it slowly, 淨係希望將BB嘅長糧改為一日兩餐，所以到時到候屋企人就收起佢個糧兜。
而BB就表現到好似被人虐待咁，好委屈，好淒涼，我真係無晒佢乎…
...

我隻5歲貓都係咁架
我同全屋貓貓轉一日兩餐都轉左幾個月架啦
不過隻5歲貓到依家都仲係咁架
比糧佢時佢只會食幾啖
明知夠鐘會收兜佢都仲係咁
我明知佢再晏d就會肚餓
不過我都堅持要到夠鐘先再餵佢
但係呢幾個月佢都日日如是
每次都只係食幾啖 (濕糧)
連1/4罐都食唔晒
不過我會依然繼續一日兩餐
絕對唔可以屈服
而且我知佢唔會餓到出問題
因為佢始終都有野落肚

Becky妹

由於小妹比較懶，會copy返之前啲post再加多少少update去講吓我嘅轉BARF血淚史...

Background information:

大家好, 我養緊一隻 5 歲大既 American longhair，叫Becky妹...

我由寵物店買佢返黎，寵物店就俾佢食開Eukanuba，後來知道Eukanuba唔係太好，就同轉咗 Nutro 嘅NATURAL CHOICE COMPLETE CARE。食到大約一歲(2005年3月)我同佢一齊返咗嚟香港就再搵唔返Nutro 嘅糧...寵物店啲人介紹我轉Royal Canin，咁之後就一直食RC嘅Indoor...

07年做過一次手術(因為曳曳吞咗的類似電線膠布落肚)，醫生俾咗的Hill's嘅處方糧，之後覆診話佢overweight，所以轉咗RC嘅obesity control纖形，就一直食到依家嘞!!! 身體自此都無乜問題 , 便便都好靚 (除左有時會好硬)

我好少俾乾糧以外嘅食物佢食，因為開濕糧佢通常舔晒的汁/湯就唔食，佢對佢自己啲小食又冇乜興趣，通常都係食啲啲就唔食，但係我食雪糕/yogurt佢就爭住食兩啖...

我覺得我貓貓飲水唔多，買咗部CatIt嘅水機俾佢，好似飲多咗少少水...
前排上網睇到好多關於貓糧既資料 , 先知道原來 RC 係有好多對貓貓無益既成份 , 加上好多貓主都話BARF比較好 , 所以就展開咗我同Becky妹轉BARF嘅耐力賽...

BARF talk前嘅trials:
喺未聽BARF talk之前我已經勁心急自己走去買咗盒火雞味嘅dr. b俾Becky妹試，戰果: 一敗塗地...
可以去我個BLOG度睇吓有幾慘烈...
http://hk.myblog.yahoo.com/rebeccalego/article?mid=123&prev=130&next=-1
http://hk.myblog.yahoo.com/rebeccalego/article?mid=130

呢兩次之後真係怕怕(係怕呀大小姐餓親... )所以賽事暫時...

之後好好彩，好快有BARF talk聽，聽完大家建議我: 既然Becky妹都唔肯食火雞味，不如extreme啲俾佢試吓袋鼠味，話唔定佢口味獨特啲呢...
以下就係我聽完BARF talk嘅幾個報告:


報告報告 之一

Becky妹由琴晚八點開始俾我斷佢糧草，當然半夜12點都未夠就發晒脾氣啦，我都係唔理佢...
到咗啱啱八點九舊袋鼠肉解好凍，就"不"咗兩teaspoon for trial 1.

我攞住嗰半羹(dr. b 袋鼠肉 only，乜都冇mix)放喺佢咀邊，佢聞一聞，就擰mei面，走貓... 再放，又再聞，又再擰mei面，又再走貓...
如是者搞咗十零分鐘，其間塞咗兩次米size嘅袋鼠肉入佢口，佢都無吐，但係再放喺佢咀邊佢都係聞一聞，就擰mei面走貓...我14分鍾多啲就收碟... 留返俾trial 2.

唔知係咪我自己嘅主觀願望，不過我覺得Becky妹今次對袋鼠肉嘅反應冇之前嗰幾次對火雞咁抗拒，陣間晏啲佢再扭嘢食再試吓先!!!


報告報告 之二

情況無好轉，都餓咗28個鐘啦，Becky妹仲係咁堅持...
我已經只係放咗半teaspoon，然後用佢平日食開啲乾糧"cum"住... 結果都係連一粒乾糧都冇食到...

究竟我仲可以狠心多幾耐...??? 有冇前輩可以指點吓...??? 我真係好怕佢會捱病...


報告報告 之三

我又係放咗半teaspoon dr. b，然後用啲乾糧"cum"住... 結果一共食咗七粒乾糧... 不過所有"痴住" dr. b 嗰啲都係聞一聞就走貓...

究竟我仲應唔應該繼續用呢個方法試落去呢...???


睇到呢度，其實已經過咗差唔多三日啦，呢三日Becky妹都冇乜點食過嘢，我真係有d氣餒la...點知就喺呢個時候... 竟然有少少進展...

報告報告 之四

媽同我講Becky妹今日成日都冇食過嘢... 就算媽只係將dd kangaroo 放係隻碟度，左邊肉右邊乾糧，兩樣嘢完全掂唔到each other，但係個衰妹都係一d都唔肯食...

到我返到嚟親自餵佢，"不"咗3/4手指尾指甲size 嘅 kangaroo肉，然後用大約廿幾粒乾糧cum住，個衰妹就好小心咁揀咗面嗰19粒嚟食，而所有痴住舊肉嘅就始終冇掂到...

Anyway, 今日總共食咗26粒乾糧，起碼唔會餓親先...


報告報告 之五

今朝我"不"咗多dddd嘅dr. b & 20粒乾糧，個衰妹可能覺得dr. b太勁，又唔肯食...
咁我就揀咗一粒掂過dr. b嘅乾糧放喺佢腳仔邊，佢聞咗一陣就走貓... 我等佢坐定再放返嗰粒喺佢腳仔邊，佢聞吓聞吓，終於食咗啦!!!
之後我再大膽d搽咗一層好薄好薄嘅dr. b喺一粒乾糧上面，再放喺佢面前，佢又係聞吓聞吓就食咗!!!
如是者食咗幾粒(搽咗dr. b)就走貓，最後斷斷續續係總共食咗15粒搽咗dr. b嘅乾糧!!! (剩返5粒唔肯食...)


報告報告 之六
前日就食咗差唔多40粒搽咗dr. b嘅乾糧
琴日就都係食咗30-40粒，dr. b嘅size = 乾糧's size
琴晚我臨瞓(大約1:30a.m.)，我整咗6粒青豆size嘅dr. b放喺個大碟度，喺其中4粒dr. b上面放1粒乾糧喺面，最初衰妹都係聞兩聞就走貓，咁我轉手餵，佢聞吓聞吓就食咗!!!
跟住再繼續用手餵，喺兩粒有乾糧嘅dr. b之間餵咗粒無乾糧，竟然俾我成功博到大霧喎!!!
總結琴晚餐宵夜食咗10粒青豆size嘅dr. b，其中有4粒成功博大霧!!! 開心到我2點幾都未瞓得著!!!

不過今朝整咗6粒，食得3粒，無乾糧嗰3粒就唔肯食...



之後好慢好慢咁減乾糧嘅份量&加大dr. b嘅size，直至完全冇乾糧...
其間當然有唔少阻滯，但係當摸到Becky妹d毛滑咗好多&佢d屎屎唔再臭，就覺得雖然過程好辛苦，但係始終係一個正確嘅選擇!!!





[ 本帖最後由 Becky妹 於 2009-6-22 09:45 編輯 ]